Водителката Искра Канзурова (Мишиќ) лута се огласи на социјалните мрежи поради една немила случка која ја пренесоа балканските медиуми.
Доктор на Военомедицинската академија во Софија, по потекло од Македонија, со својот автомобил марка „фолксваген пасат“ прегази маалски миленик – куче, пред зградата каде што живее во населбата Расадник во бугарскиот главен град.
Искра, која е позната како голем љуботел на животните, на Фејсбук го напиша овој статус:
– Никогаш никому не посакувам лошо, но секој мора да одговара за своите постапки и нечовечност. Докторот, кој прво го прегази, а потоа без трошка совест го згмечи кутрото куче, МОРА да лежи.
И ќе си одлежи. А знаете зошто? Затоа што тоа не се случи овде каде никој за ништо не одговара. И престанете да го браните, убиец си е убиец, а оние кои тоа го одобруваат и оправдуваат се соучесници!“.
Искра Канзурова неодамна се огласи откако по долги години си замина од Тв „Алфа“, каде што ја водеше Утринската прогреама и други емисии, и беше една од омилените на гледачите.
-Одам во еден поинаков сектор, кој има допирни точки со телевизијата, но во маркетинг сегментот“, рече Канзурова за порталот „Вистина“.
