По церемонијата на доделувањето на Греми наградите одржана на 6 февруари, Бен Афлек се разбуди како мемe-херој: фотографиите од тажниот израз на актерот веднаш се проширија низ мрежата.
Џенифер Лопез ја прифати играта на фановите, па и таа се приклучи во мајтапењето на својот сопруг.
Џеј Ло на својот Твитер го објави трејлерот за новиот филм на Бен Афлек „Ер“, а на насловната страница на видеото стави негова фотографија со тажно лице, додавајќи ироничен натпис:
„Среќното лице на мојот сопруг.“
Бен не е прв пат да стане херој на мемиња. Изразот на лицето на актерот ретко е весел, а да се види како се насмевнува е многу добра среќа. Без разлика на Греми настанот, лицето на Афлек најчесто останува постојано тажно.
Бен Афлек и Џенифер Лопез се венчаа минатото лето. Тие се запознале во 2001 година кога актерката сè уште била во брак со танчерот Крис Џад. По разводот на Лопез, нејзината врска со Афлек брзо се разви, само неколку месеци подоцна ја објавија свршувачката, но набрзо ја откажаа венчавката поради прекумерното внимание на медиумите за нивната врска.
Речиси 20 години подоцна, во есента 2021 година, поранешните љубовници решија да започнат од почеток. Во пролетта 2022 година, Џенифер и Бен тајно се венчаа во Лас Вегас, а потоа ја прославија својата венчавка во Калифорнија со многу роднини и пријатели.
