Хилари Клинтон и нејзината ќерка Челзи се најдоа на насловната страница на списанието Variety, посветено на моќта на жената.
View this post on Instagram
Ќерката на 42-от претседател на САД, Бил Клинтон, во интервјуто за „Вараети“ изјави дека за време на врвот на политичката кариера на нејзиниот татко преживеала силен притисок од медиумите. Како тинејџерка, Челзи Клинтон сакала да биде во втор план и далеку од јавноста.
„Понекогаш навистина сакав да исчезнам во позадина, бидејќи не сакав толку многу луѓе да ме гледаат или толку многу рефлектори да се насочени кон мене“, рече таа.
Покрај тоа, според неа, постојано се соочувала со потсмев на нејзина сметка.
„За среќа, тоа сега не се одразува на мене. Не чувствував страв како дете, да беше поинаку сега постојано ќе се плашев. Кога размислувам за воспитување храбри и издржливи деца, се трудам повеќе да размислувам за тоа што сакам да научам од моето детско искуство, а не да реагирам на тоа што се случило“, отворено сподели Челзи Клинтон.
View this post on Instagram
