Фитнес инструкторката и поранешна кошаркарка Едина Муса продолжува да ужива во мајчинството, а најновите објави на социјалните мрежи повторно ги разнежнија нејзините следбеници.
Едина, која во февруари 2025 година го доби синот Максим, веќе 14 месеци споделува моменти од секојдневието со него, а во последниот период сè почесто објавува и фотографии на кои може да се види неговото лице.
Најмногу внимание привлече една топла семејна сцена – нејзиниот сопруг, Александар Димитровски Мачка, заспан додека го прегрнува малиот Максим. Едина го улови моментот и го сподели со јавноста, предизвикувајќи бројни реакции.
Во друга објава, таа позира со синот во прегратка, опишувајќи го чувството со едноставната порака: „Она кога едвај чекаш дома да си дојдеш“.
Сепак, најголемо внимание привлече нејзината споредба што ја направи со фотографија од сопственото детство. Едина објави колаж – една фотографија со Максим и една од неа како бебе во прегратка на мајка ѝ – со што сакаше да покаже колку си личат.
„Дека сите викавте дека Максим личел на татко му“, напиша таа, јасно ставајќи до знаење дека синот, според неа, е нејзина копија.
