Пејачот од Босна и Херцеговина Дино Мерлин синоќа го одржа првиот од четирите концерти во Белград, а на сцената имаше двајца гости.
Хрватската пејачка Ивана Банфиќ по подолга пауза се појави пред публиката, а со Дина го изведе нивниот голем хит „Годинама“.
Ивана Банфиќ (53) во последниве години живее мирен и повлечен живот на село со сопругот и синот, одгедува домашни животни на фармата.
На сцената во Белград пак, таа навистина блесна облечена во бела модна комбинација, и покажа дека изгледа (и пее) неверојатно.
Гостин на Мерлин му беше и пејачот Марко Луис, познат мултиинструементалис кој живее во Германија, со кој Мерлин ја сними песната „Не радујемо се“, а публиката го поздрави со голем аплауз.
Инаку, Марко е син на покојниот пејач Љубиша Стојановиќ Луис, кој почина во 2011 година.
Белградската Арена беше полна до последно место, а со босанската ѕвезда хитовите ги пее на глас 20 илјади луѓе.
„Зошто луѓето едни на други прават зло, зошто прават проблеми кога сме сите облаци кои исчезнуваат?“, порача Мерлин од бината.
„Ова е мој град, многу ми недостигавте. Оваа глетка е како некогаш. Ова е фантастично. Не сме се виделе осум години, а тоа е само едно парче време. И сешто се случи во мојот живот, животот е брз, особено кога сте во мои години, се тоа брзо поминува. Се роди моето мало момче и тоа е една голема радост. Имам желба, тоа мое малечко момче да ужива во мир со себе“, рече Дино во текот на концертот, пренесува српски Блиц.
