46-годишниот Џо Манганиело е „уловен“ на аеродромот во Лос Анџелес со 33-годишната актерка Кејтлин О’Конор. На почетокот на оваа година, ѕвездата на „Magic Mike“ се разведе од 51-годишната актерка Софија Вергара, оставајќи ги неговите обожаватели во чудење. Бракот на Манганиело и Вергара се сметаше за еден од најсилните во Холивуд.
Џо и Кејтлин биле видени на аеродром од каде што полетале за Њујорк на фудбалски натпревар. Во прегратките на актерот беше неговото сакано куче Баблс, кое тој и Софија бурно го споделуваа за време на нивниот развод. Баблс на крајот останаа со Џо бидејќи Вергара признала дека миленичето повеќе го сака нејзиниот поранешен сопруг од неа.
Joe Manganiello and his new girlfriend, Caitlin O’Connor pic.twitter.com/E4qFjlfa25
— Miss News (@MissNews5) December 9, 2023
Џо Манганиело и неговата нова девојка Кејтлин О’Конор изгледале многу среќни.
Joe Manganiello, 46, is seen with new girlfriend Caitlin O’Connor, 33, as they take a flight from LAX ahead of the holidays and hit up a New York Jets game https://t.co/mi8Q572JBG pic.twitter.com/NwRn90xcPq
— Daily Mail Online (@MailOnline) December 11, 2023
Џо и Кејтлин првпат се сретнаа во септември, само два месеци откако беше откриено дека Џо и Софија се разделиле.
Во саботата навечер, Џо и Кејтлин присуствуваа на хуманитарен настан на Менхетен: гала посветена на 20-годишнината од Фондацијата Деца на Ерменија.
Таа вечер, на Џо, кој има ерменско потекло од страната на неговата мајка, му беше врачена хуманитарна награда.
Тој зборуваше за своите корени претходно оваа година кога се појави во емисијата на PBS „Finding Your Roots“ и ја раскажа животната приказна на неговата прабаба, Ерманка која преживела геноцид.
Потсетуваме, Софија Вергара и Џо Манганиело се венчаа во 2015 година, кога Софија беше на врвот на својата слава.
Откако ја објавија својата разделба во јули, упатените објаснија за медиумите дека на почетокот на врската биле привлечени еден кон друг затоа што биле сосема различни. Сепак, изворите објаснија дека со текот на времето, „различните ставови“ на Џо и Софија почнале да прават јаз меѓу нив.
