Холивудската ѕвезда Бред Пит на 9 септември се прошета со својата млада девојка Инес де Рамон во Њујорк, пренесува Дејли меил.
60-годишниот актер носеше бледожолт костум инспириран од 70-тите години, а особено се впечатливи ретро панталоните – „ѕвонарки“. Ѕвездата го комплетираше својот изглед со бела маичка, беж чевли и очила за сонце. Познатиот срцекршач ја држеше за рака својата 34-годишна девојка.
Breaking: Brad Pitt rocks retro suit for romantic outing with chic girlfriend Ines de Ramon after his estranged son Pax revealed crash injuries https://t.co/q0UuZuwXVG #AngelinaJolie #Brad #BradPitt pic.twitter.com/1jPcGj4j69
— WhatsNew2Day (@whatsn2day) September 10, 2024
Инес де Рамон за својот изглед избра нежно плетен темно беж костум, кој се состоеше од малку разгорено миди здолниште и џемпер со тркалезно деколте и кратки ракави. Дизајнерката на накит го комплетираше својот изглед со високи потпетици и мала дизајнерска бела чанта со кратка рачка. Од накит, таа одбра прекрасни обетки со скапоцени камења.
Љубовниците биле забележани како го напуштаат хотелот, и како се упатуваат кон раздвижениот италијански ресторан Систина на романтична вечера.
Парот, кој почна да се забавува кон крајот на 2022 година, во последно време почесто се појавува во јавност заедно. Дел од летото го поминаа во Шато Миравал, француска винарија што Пит некогаш ја делеше со поранешната сопруга Анџелина.
