Познатиот српски музичар Бора Ѓорѓевиќ (71) пред камерите ја покажа новата тетоважа, која ја направил од љубов кон 28 години помладата сопруга Дубравка, пишува српски „Блиц“.
– Да ви покажам… Тоа е Дубравка. Таа е секогаш тука, присутна – истакнал тој, а потоа покажал како изгледа цртежот на неговата рака.
– Патем, тоа е слика од концертот, додека таа занесено ме слушала… Тоа беше уште додека таа занесено ме слушаше… (се смее) Се разбира, се шегувам! – изјавил Бора Ѓорѓевиќ во емисијата на Мира Адања Полак, која е снимена во Љубљана, каде што живее со години.
– Сè уште не сум забележал дека стареам, уште сум во пубертет! Факт е, сепак, дека почнаа да се расипуваат делови… (смеа) – истакна тој.
До уши е вљубен во сопругата, покрај која нашол сè што барал во животот, а од животот во Словенија е презадоволен.
– Да не дојдев овде, веројатно ќе згаснев некаде по пат, премногу дивеев, претерував. Сфатив дека одам во погрешна насока кога деловите почнаа да откажуваат, а нема резервни делови. Забележав дека би било добро да одам кај генералот… (се смее) Се запуштив, не реагирав веднаш. Тоа е толку логично, нели… Човек си мисли: „Ќе туркам додека можам“ – рекол Бора.
– Не сум загрижен. Сега знам покрај кого сум, со кого живеам, кој ме сака, логично е да потраам што подолго, чувствувам љубов и од луѓето – заклучил Бора во емисијата.
