Сопругата на раперот и дизајнер Канје Вест, Бјанка Ценсори, се појавила во четвртокот како сведок во граѓанската парница што го потресува деловниот свет на Вест.
Тужбата ја поднел Тони Саксон, поранешен менаџер на проектите, кој бара неисплатени плати и тврди дека бил принуден да работи во небезбедни услови. Поводот е реконструкцијата на вила вредна 57 милиони долари во Малибу.
Ценсори, австралиска архитектка и модел, позната по своите контроверзни комбинации на облека кои редовно ги полнат насловните страници, овој пат била покриена од глава до пети. Црниот кардиган, долгото здолниште и диоптриските очила ја направиле едвај препознатлива, а единствената трага од нејзиниот вообичаен стил останаа нејзините високи потпетици. Бјанка изгледала фантастично во оваа модна комбинација.
📸🚨 Ye’s wife Bianca Censori has arrived at court today to testify in the lawsuit regarding their Malibu mansion!
This chic look comes after the judge issued a stern warning about dress code. pic.twitter.com/so0rjKb01p
— Yeezyrih (@Yeeezyrih) March 5, 2026
Бјанка Ценсори речиси никогаш не се појавува јавно во толку затворено издание. Во последните месеци, таа стана позната по исклучително оскудни, провокативни и честопати речиси голи комбинации кои редовно предизвикуваат шок и неверица. Проѕирни фустани, тесно боди, мрежести хулахопки и парчиња кои откриваат повеќе отколку што кријат станаа нејзин заштитен знак, а секое нејзино излегување го привлекува вниманието и на јавноста и на социјалните мрежи.
