Во ноември, Анџелина Џоли, актерка, режисерка и поранешна амбасадорка на добра волја на ОН и специјален пратеник за бегалци, ќе ги отвори вратите на Ателје Џоли. Таа сака да го направи брендот простор за соработка, еден вид културен центар и работилница за дизајн. Џоли има намера да работи заедно со организациите кои ги поддржуваат бегалците.
Ексклузивно за Вог, глумицата ги откри своите планови. И таа му кажа на американскиот Вог за своите планови. Фотографиите за статијата се направени од легендарната Ени Лејбовиц.
За своето Ателје Џоли, Анџелина избрала добро позната локација, број 57 – Great Jones Street во Њујорк. Имено, Енди Ворхол ја купил двокатната зграда во 1970 година, а десет години подоцна, набргу откако се запознале, вториот кат му го изнајмил на својот пријател, уметникот Жан Мишел Баскија. И сега кога фасадата е речиси целосно покриена со графити, секој уметник им оддава почит на уметниците кои создавале овде. Отсега, тука ќе создава креации Џоли.
View this post on Instagram
Во интервјуто, актерката рече дека нејзината најстара ќерка, 18-годишната Захара, помогнала да се донесе одлуката при изборот на локација за нов голем проект.
„Можам да бидам многу импулсивна, но Захара е толку избалансирана, решителна и промислена. Кога таа се согласи, се чувствував како и двете да донесовме одлука“, изјави Џоли.
View this post on Instagram
Како самохрана мајка на шест деца, Џоли смета дека ваквите големи потфати се проект за целото семејство, а таа се осврнува на темата и опширно и лично кога разговорот се насочи кон нејзините деца.
“Имав 26 години кога станав мајка. Целиот мој живот се промени. Тоа што имам деца ме спаси – и ме научи да живеам поинаку во овој свет. Мислам дека можев да умрам ако не одлучив да живеам за нив. Тие се подобри од мене.“, признава актерката во интервјуто за Вог. .
