Пејачот Александар Белов го покажа својот дом во Крагуевац, каде што живее веќе подолго време со својата сопруга Јелена и ќерката.
Тој уште еднаш покажа дека покрај музиката, негова голема страст се и фудбалските традиции. Но, овојпат, во најубавото можно друштво, со својата преслатка ќерка Мина.
Дека еуфоријата за претстојното Светско првенство веќе наголемо се чувствува во нивниот дом во Србија, докажува и најновата објава на социјалните мрежи. Познатиот пејач објави заедно со малата Мина, како ја лепи последната сликичка во „Панини“ албумот.
„И последната сликичка е залепена“, напиша Белов во описот на фотографијата на која се гледа како со посебно внимание и помага на својата наследничка да го комплетира албумот за Светското првенство во фудбал 2026 година.
На подот можат да се забележат и албуми од претходните првенства (како оној од Катар во 2022 година). Белов е голем вљубеник во фудбалот јасно е дека собирањето сликички е пасија која пејачот со задоволство ја пренесува на помладите генерации.
