Српската актерка Срна Ланго, која публиката ја памети како една од најголемите убавици од култната серија „Среќни луѓе“, со децении се смета за една од најубавите жени на српската сцена.
И додека речиси сè е познато за нејзината кариера, Срна неодамна ја шокираше јавноста со признанието за навиката од која не се откажала дури ниту на 54 години.
Имено, актерката отворено признала дека сè уште го цица палецот, навика што ја задржала уште од детството, и дека во тоа не гледа ништо необично ниту проблематично.
Како што објаснила Срна, нејзините родители никогаш сосила не ја одвикнувале, што таа го смета за важна причина зошто денес нема траума.
– Па, да, јас не знам што е толку необично во тоа. Моите не беа од типот да ме одвикнуваат, да ми го ставаат прстот во лута пиперка. Се чини дека премногу сметаа на мене, бидејќи мислеа дека сум способна да решам многу работи што никогаш не беа решени. Инаку, не бев склона кон трауми и сега не сум склона кон трауми – рекла Срна.
Актерката открила дека палецот за неа има посебно значење и дека и денес ѝ дава чувство на сигурност.
– Инаку, имам и други шифри кои се многу полоши од цицањето прст – рекла актерката.
За потсетување, Срна Ланго дипломирала глума на Факултетот за драмски уметности во класа со Катарина Жутиќ, Растко Лупуловиќ, Ивана Жигон, Ненад Јездиќ, Бојан Маљевиќ и Александар Среќковиќ Кубра.
Првата голема популарност ја стекнала токму во серијата „Среќни луѓе“, по што се нижеле улоги во проекти како „Јелена“, „Нож“, „Вистини и лаги“, „Викенд со таткото“ и многу други.
