Бијонсе беше на удар на критики за нејзиниот говор на Греми наградите, а многумина ја нарекоа „дволична“ и „лицемерна“ за она што го кажа на сцената додека ја примаше наградата.
41-годишната пејачка влезе во историјата соборувајќи го рекордот по бројот на освоени Греми откако ја доби својата 32-ра статуетка на церемонијата. Зборувајќи пред присутните, таа низ солзи им се заблагодари на својот сопруг, децата и починатиот хомосексуален вујко и нагласи дека својот албум го посветила на црнечката и queer денс култура.
View this post on Instagram
Сепак, обожавателите ја прозваа ѕвездата затоа што во нејзиниот говор ја спомнала ЛГБТ заедницата, бидејќи неодамна одржа концерт во хомофобниот Дубаи, за кој беше платена неверојатни 24 милиони долари.
-Бијонсе се заблагодарува на квир заедницата на Греми, денови по настапот во Дубаи… Сега ми е мило што не го освои албумот на годината, напиша еден корисник на Твитер.
View this post on Instagram
– Очигледно заборавила дека за 24 милиони долари се согласила да пее во земја во која се убиваат ЛГБТ лица, додаде друга корисничка на Твитер.
Да потсетиме, спорниот концерт се одржа само за лица со ВИП влезници, кои мораа да се појават во свечена облека. Публиката беше воодушевена од големиот огномет, а меѓу познатите во публиката беа и Клои и Хали Бејли, Ниа Лонг, Кендал Џенер и Ребел Вилсон.
Настапот го започна со At Last од Ета Џејмс, а потоа следеа нејзините хитови Beautiful Liar, Halo, Crazy in Love и други. Интересно е што Бијонсе не изведе ниту една песна од нејзиниот последен албум Renaissance од 2022 година, кој беше номиниран за Греми и кој го посвети на ЛГБТ заедницата.
