Ќерката на Живкица Каленикова, Ана, ѝ испрати емотивна порака на својата мајка со посебен повод.
Познатата водителка Живкица Каленикова вчера прослави роденден. Меѓу неколкуте честитки од блиските на Жиле, најпосебна и најемотивна е честитката од нејзината ќерка Ана која водителката ја сподели на нејзината инстаграм-приказна.
Ана на својот инстаграм-профил објави неколку заеднички фотографии и искрени зборови, со кои ја покажа неизмерната љубов и почит кон својата мајка.
„Најсреќен роденден мами да си жива и здрава и сите желби да ти се исполнат! Те сакам најмногу на цел свет и сакам најубаво да си поминеш на твојот роденден. Фала што си била тука за мене и уште си. Многу сум задоволна што имам мајка како тебе и никогаш не би сакала друга мајка, ти си единствената мајка што ја сакам. Поради тебе јас сум жива и здрава и фала ти многу што ме направи. LOVE YOU најмногу на целиот свет и сакам да си среќна и да се смееш цел живот твoj LOVE YOU“, објави Ана.
Живкица е во среќен брак со познатиот бизнисмен Зоран Калеников, со кој има три деца.
Најстариот син Даријан, кој е полуматурант, има 15 години, вториот син Марко има 13 години, а единствената ќерка Ана, најмалата во семејството, има 12 години.
На професионален план, по долгогодишниот успех на емисијата „Тунел“, таа ја продолжува својата авторска и водителска приказна со актуелното „Жилет шоу“.
За ќерката Ана, Живкица во едно интервју за „Слободен печат“ изјави:
„Ана ме изненадува, таа има дневна и ноќна рутина. Сите беа во шок кога ја видоа, мислеа дека јас сум ја подготвувала, но не. Таа има дневна и ноќна рутина на нанесување кремови на лицето и веројатно природно ѝ доаѓа тоа и има работи што ги знае повеќе од мене. Така што, смешно е, различни се, машки и женско, и весело е по дома“, вели познатата ТВ-новинарка.
