Српскиот поп-фолк пејач Саша Ковачевиќ, кој е еден од најбараните изведувачи во регионот, во последно време се префорсирал поради што бил принуден да побара лекарска помош.
Последниве месеци имал напорен распоред, често патувл и имал голем број концерти во регионот и дијаспората, поради што колабирал, а имунитетот драстично му паднал. Пред неколку дена почувствувал слабост во телото, поради што заврши во Ургентниот центар во Белград.
– Саша се зарази со вирус пропратен со висока температура и сега прима витамински коктели и инфузии. Тој е на специјална диета и прави се што е во негова моќ да си ги врати силите и да продолжи со настапите кои ги закажа со месеци однапред. Еден од нив требаше да биде викендов, но беше принуден да го откаже поради болеста – изјави извор близок на поп пејачот кој сакал да остане анонимен, за српските медиуми.
Дека информацијата е точна потврди и неговиот ПР тим кој на Инстаграм профилот на Саша Ковачевиќ објасни зошто е откажан концертот што требаше да се одржи синоќа во Инџија.
-Почитувани посетители, ве известуваме дека концертот на Саша Ковачевиќ е откажан поради непредвидени околности и болест на пејачот. Ви благодариме на разбирањето – стои во известувањето.
