Српскиот политичар Милутин Мркоњиќ почина пред точно четири години. Тој почина на 27 ноември 2021 година, а пред неколку дена поранешни сопартијци и пријатели организираа комеморација.
Инаку, Мркоњиќ беше во долгогодишна врска со пејачката Ана Бекута, која секогаш имаше само најубави зборови за него.
– Милутин Мркоњиќ, како што сега пишува на неговиот гроб, херојот на обновата на земјата. Целиот свој живот градеше, никогаш не рушеше. Целиот свој живот помагаше и се трудеше никогаш да не повреди никого. Целиот свој живот беше посветен, целиот свој живот сакаше подобро и повеќе за целото општество и државата. Целиот свој живот градеше мостови. И буквално и фигуративно. Беше чест да се живее со него – напишала Ана своевремено на својот профил на Инстаграм, додека три години по неговата смрт напишала:
– Помина и третата година… Ми недостасуваш секој ден, во секој момент. Но, денес, наместо да ме преплавува тага, одбирам да чувствувам благодарност за сите моменти што ги поминавме заедно. Сеќавањето, како и сè во природата, не исчезнува – тоа се трансформира во нешто вечно – во инспирација што нè покренува дури и кога се чини дека тишината е насекаде околу нас. Во секој чекор што го правиме, во секој предизвик што го прифаќаме, ти си тука. Невидлив, но моќен. Твојата сила е во нас, во сè што правиме и продолжува да нè инспирира да бидеме подобри.
Да потсетиме, Ана Бекута во една прилика зборувала за наследството што го оставил Милутин Мркоњиќ и кому му припаднало.
– Додека мојот свет се уриваше во последната година, многумина дискутираа за мојот и имотот на Милутин. Тоа понекогаш беше тешко да се прочита и свари. Како да сум некоја сиромашна жена, а не жена што работи, стекнува и создава во последните 40 години. Можеби ви е незамисливо, но јас заработував повеќе од Милутин. Паметно вложував и еднакво живеев и пред него, и со него и по него. Она што го имаше Милутин ѝ остана на законската наследничка и јас немам ништо против тоа и никогаш не сум имала. Нема тестамент и нема сапуници кои ги креираат медиумите. Нашиот живот го живеевме во хармонија и согласност. Можеби вие не би, тоа е ваша работа. Нашето беше наше. Никогаш не ме интересираа парите – од едноставна причина што ги имав своите. Во периодот кога го запознав Милутин, сè што ми требаше беше љубов, топлина и внимание. Го добив тоа и живеевме во таа топлина, љубов и внимание до крајот на неговиот живот. Тажно е да се види колку е неверојатно за некои што жената има, што жената заработила, создала и стекнала без маж. Ако нешто такво е неверојатно во 21 век, ние како народ имаме сериозен проблем. Им посакувам на сите девојки да најдат љубов каква што ја најдов јас во Милутин. За парите погрижете се сами. Така е послатко – рекла еднаш Ана.
