Процентот на Британци кои ја поддржуваат идејата да им се одземат титулите на принцот Хари и Меган Маркл изнесува 44%. Ова го пренесува Daily Mail повикувајќи се на студија спроведена од сервисот YouGov.
Анкетата по објавувањето на документарната серија „Меган и Хари“ на Нетфликс, исто така, покажа дека 32 отсто од луѓето во Англија не мислат дека на Хари и на Меган треба да им се одземат кралските титули.
По гледањето на серијата, 44% од Британците чувствувале повеќе сочувство за принцот Вилијам и Кејт Мидлтон, додека 17% признале дека чувствуваат повеќе сочувство за Хари и Меган. Во исто време, 23% почнале да размислуваат полошо за војводите од Сасекс, а 7% – подобро.
Забележано е дека 65% од жителите на Велика Британија се сигурни дека принцот Хари и Меган Маркл самостојно донеле одлука да ги напуштат своите кралски должности и да ја напуштат земјата, а 11% веруваат дека биле принудени на тоа.
Коментирајќи ги обвинувањата на кралското семејство за расизам од страна на Хари и Меган, 49% од анкетираните рекле дека не се согласуваат со парот, а 26% признале дека го делат нивното мислење.
