Пејачката Емина Јаховиќ и политичарот Чедомир Јовановиќ синоќа биле видени на граничниот премин Каракај кон Зворник, каде, според неофицијални информации, биле задржани на разговор со службениците околу час и половина. Засега не е познато зошто точно биле задржани пред државните органи.
Очевидци кои во тој момент се нашле на границата тврдат дека Емина била во возило со уште неколку лица, а по предавањето на документите службениците им рекле да се тргнат на страна.
„Бевме на граничниот премин пред околу два часа, патувавме семејно за Сараево. Го видовме возилото на Емина пред нас. Откако ги предадоа документите, им рекоа да се тргнат. Таа излезе од автомобилот и разговараше со службениците. Зад нас беше и Чедомир Јовановиќ, кој го препозна мојата мајка. Со пријателот се приближи со возилото до прозорецот каде што се врши контролата. Додека другите патници без проблем ја поминуваа границата, Емина и Чеда беа задржани на испрашување“, раскажал сведокот на настанот.
Според неговите зборови, Емина подоцна продолжила со патот, додека Јовановиќ останал нешто подолго на границата.
„Возилото беше со белградски регистарски таблици, а во прашање беше мерцедес“, додал очевидецот.
Како што дознава српски „Курир“, Јовановиќ исто така поминал околу еден час на границата кон Босна, а причините за неговото задржување не се познати.
Новинарите се обиделе да стапат во контакт и со Емина и со Јовановиќ, но ниту едниот ниту другиот не одговориле на телефонските повици.
