– Продолжува долгиот период на стабилно, суво и сончево време со мала до умерена локална облачност. Ќе дува слаб до умерен ветер од северен и од северозападен правец. Од денес, па во следниот период поради влијанието на ЕКСТРЕМНО ТОПЛИОТ бран од Африка температурите ќе се искачуваат во интервалот од 35 до 42 степени, додека во централните и во југоисточните предели температурите се очекува да се искачат дури и над 42 степени. Само во недела попладне ќе има услови за ретка појава на краткотрајна нестабилност. Во Скопје и околината времето во следниот период ќе биде стабилно, суво и сончево со мала локална облачност. Ќе дува слаб до умерен ветер од северен и од северозападен правец.Само во недела попладне ќе има услови за сосема ретка појава на нестабилност. Температурите ќе бидат ЕКСТРЕМНО ВИСОКИ и ќе се искачат дури до 40 степени. Ув – индексот и понатаму ќе има ЕКСТРЕМНО ВИСОКА вредност и ќе изнесува коефициент некаде околу 10, па затоа на граѓаните им советуваме да се заштитуваат од лошото влијание на сонцето, но и да пијат што повеќе течности. ПРЕДУПРЕДУВАЊЕ: Поради ЕКСТРЕМНО ВИСОКИТЕ температури, но и големата суша која ќе ја зафати Македонија во следниот период, препорачуваме да внимавате како се однесувате со природата и да се избегнува движење по шуми, со цел да не дојде до евентуална појава на шумски пожари, вели метео прогнозерот Славчо Попоски.
Екстремно топол бран, над 42 степени! Славчо Попоски предупредува на голема суша
