Британската манекенка и актерка Кели Брук во јули се омажи за долгогодишното момче Џереми Париси во неговата родна Италија, но сега реши да сподели уште неколку интимни снимки од нивната венчавка.
За специјалниот ден, Кели носеше традиционален бел фустан украсен со тантела во горниот дел, истакнувајќи го раскошното деколте, додека Џереми носеше елегантен темен костум.
View this post on Instagram
Церемонијата првично требаше да се одржи на отворено, но неочекуваниот дожд во последен момент ги промени плановите, па младенците, пријателите и членовите на семејството славеа во тврдината Торе ди Цицеро.
-Кели ги покани сите нејзини пријатели, меѓу кои имаше и ѕвезди како Кајли Миног, изјави извор за „The Sun“.
-Церемонијата беше навистина романтична, но Кели потоа сакаше на своето семејство и пријателите да им приреди вистинска забава. Кели знае дека Џереми ѝ е сродна душа и дека тоа ѝ е единствена свадба, па даде сѐ од себе. Сето тоа ја чинеше меѓу 300.000 и 500.000 фунти, но за неа тоа се добро потрошени пари, откри изворот и додаде дека тоа била „венчавката од соништата на Кели“ и дека сè што отсекогаш посакувала сега ѝ се остварило.
Манекенката пред венчавката изјави дека нема да слабее за големиот ден и дека е задоволна од својот изглед.
View this post on Instagram
