Пејачката Едита Арадиновиќ конечно е заљубена и, како што вели, одамна не била посреќна. Во изјава за регионалните медиуми, таа откри детали за врската со новиот партнер и проговори за тоа како гледа на бракот.
„Љубовта е причина што сјаам,“ призна Едита, додавајќи дека, иако ја пронашла личноста со која сака да го помине животот, самата свадба ѝ делува премногу стресно.
„Еден ден зборувам едно, другиот ден друго. Не затоа што сум разочарана, туку затоа што мислам дека љубов може да постои и без венчавка. Може да се сака и без брак,“ изјави пејачката.
Таа објасни дека големото семејство и обврските околу организирање свадба ја прават нервозна:
„Би ми било стресно да направам венчавка. Имам голема фамилија, па би се грижела дали нешто ќе заборавам. Верувам дека хартијата има симболика, дека имаш обврски кон некого, но на крајот сè зависи од личноста со која живееш.“
Едита откри и дека била подготвена јавноста да дознае кој е нејзиниот нов дечко, но не планира да го носи на секој настан.
„БЕВ СВЕСНА дека јавноста ќе дознае кој ми е партнер. Се појавивме нормално, без криење, но не планирам да го носам насекаде. Нашата среќа си ја чуваме во нашата оаза,“ рече таа.
Пејачката додава дека конечно се пласира вистинита приказна за нивниот однос, па сака љубовта да ја живее далеку од непотребни очи.
