Жената која „работи“ како двојник на Кејт Мидлтон добила повеќе од десет предлози за брак поради нејзината неверојатна сличност со принцезата од Велс, пренесува Мирор. Сепак, не ѝ е животот така едноставен.
View this post on Instagram
Според 42-годишната Хејди Аган, луѓето првпат почнале да ѝ кажуваат дека личи на Кејт Мидлтон во 2011 година, кога работела како келнерка во кафуле. Отпрвин таа не придавала никаква важност на ова, но откако луѓето почнале да бараат автограми или заедничка фотографија, таа решила да контактира со актерска агенција и да се понуди како двојничка на Мидлтон.
Хејди била веднаш ангажирана и почнала да добива понуди да „работи“ на „местото“ на Кејт Мидлтон, односно да посетува забави и промотивни настани ширум светот, се разбира, на покана и за одличен хонорар. Сега девојката мора да ги следи сите промени во изгледот на војвотката од Кембриџ, за да не ја изгуби сличноста со неа. Од начин на облекување, до фризура, гестикулација и секако телесна тежина.
„Откако станав двојничка на Кејт Мидлтон, добив повеќе од десетина предлози за брак. Точно, уште почесто ми се закануваа со најразлични закани. Кога првпат тоа ми се случи, бев шокирана од количината на омраза што доаѓа од луѓето, но сега разбирам дека е така. Секој си има свое мислење“, призна Хејди Аган.
