Во подкастот „Let’s Talk Off Camera“ актерката Шерон Стоун (65) откри дека на почетокот на својата кариера била жртва на сексуална злоупотреба. Таа рече дека тогашниот шеф на Сони и го ставил пенисот пред нејзиното лице кога таа дошла во неговата канцеларија на состанок.
Актерката раскажа како, млада и неискусна, била поканета во канцеларија на средба со шефот на Сони. Возбудена од средбата со шефот на позната продукциска куќа, таа не очекувала дека ќе и се случи такво нешто.
– Отидов во неговата канцеларија, а тоа беше во осумдесеттите, па каучот беше на подот, се сеќавате на тоа? Тоа беа тие многу ниски џиновски каучи и колената ми беа околу вратот бидејќи сум многу висока – се присети Шерон.
Се случила ситуација која ја шокирала.
– Се шеташе низ канцеларијата и ми даваше комплименти. Но, потоа рече: „Пред да почнеме…“ и го извади пенисот од панталоните директно пред моето лице. Бев млада и нервозна, а мојата реакција на стресот тогаш беше смеа. Почнав хистерично да се смеам и да плачам во исто време, не можев да престанам – објаснува глумицата.
Таа додала дека поради нејзината реакција шефот се облекол и ја напуштил собата, а неговата секретарка ја извела од канцеларијата.
– Ова не беше единственото чудно искуство во мојата кариера – заклучила Шерон, која своевремено во едно интервју раскажа како доживеала секакви работи во нејзината 40-годишна кариера.
