Нора Милосављевиќ, по сè изгледа веќе поранешната девојка на Душко Тошиќ, повторно го привлече вниманието со објава на социјалните мрежи. Таа на својот инстаграм-профил сподели видео од возење во луксузно БМВ, додека во позадина одеше песната на Ана Николиќ, „Dobro došao u moj zaborav“.
Стиховите на познатата балада зборуваат за крајот на една љубов, преболувањето и оставањето на минатото зад себе, па нејзините следбеници веднаш почнаа со шпекулации дали Нора на овој начин сакаше некому да испрати порака.
Дали песната му е посветена токму на поранешниот фудбалер, дали меѓу нив постојат проблеми или пак станува збор само за нумера која сака да ја слуша, засега останува мистерија. Сепак, она што е јасно е дека Душко и Нора повеќе не се следат меѓусебно на оваа социјална мрежа, што веднаш покрена лавина коментари. Дополнителен сомнеж предизвика и фактот што фотографијата на која позираат прегрнати веќе подолго време е отстранета од неговиот профил.
Заедно со поранешната сопруга
За потсетување, Душко неодамна се појави на матурската прослава на постарата ќерка Атина, присуствувајќи на еден од најважните моменти во животот на својата наследничка. По тој повод тој позираше заедно со Јелена Карлеуша и ќерките, а семејните фотографии од прославата предизвикаа огромно внимание во јавноста.
Едно е сигурно – Нора успеа да ја заинтригира јавноста, а нејзината последна објава стана главна тема за коментари на социјалните мрежи.
