За оние кои не можат подолг период да бидат на диета, им ја препорачуваме диетата со домати која гарантира брз успех. Се држи само шест дена, а се „симнуваат“ до шест килограми. Дополнително, ќе го ослободите организмот од токсини.
Правилата на диетата со домати се многу едноставни – четири оброка на ден, многу вода, кафе без шеќер е дозволено, чаеви без шеќер се дозволени, парче леб (30 грама) е дозволено само за појадок. Доматите може да се јадат свежи но и печени во рерна, како и на скара.
Еве како треба да изгледа диетното мени.
Прв и четврти ден.
Појадок – салата од домати со 50 грама немасно сирење и 2 варени јајца, наросена со маслиново масло и босилек. 30 грама леб.
Ужина – 350 грама сезонско овошје или чаша сок од домати.
Ручек – порција тестенини (50 грама) во сос од домати (сосот се подготвува со динстање на 400 грама домати или со пасирани домати 350 грама од конзерва, се зачинува по желба).
Вечера – супа од домати и зеленчук. Украсете ја со магдонос и лажица павлака.
Втор и петти ден.
Појадок – Грчка салата, 30 грама леб.
Ужина – 350 грама сезонско овошје или чаша сок од домати.
Ручек – Печени полнети домати со спанаќ и малку ориз. Или домати на скара и зеленчук на скара со салата од спанаќ и шака ориз.
Вечера – Чорба од ослич. Чорбата подгответе ја со две главици исечкан кромид издинстан на малку маслиново масло, филе ослич, два поголеми домати, зачини и украсете ја со лажица кисела павлака.
Трет и шестти ден.
Појадок – омлет со домати, 30 грама леб.
Ужина – 350 грама сезонско овошје или чаша сок од домати.
Ручек – Пилешко месо (150 грама) во сос од домати и печурки.
Вечера – Говедско месо на скара (130 грама) со порција шопска салата.
