Наскоро пристигнува соработка која не ја очекувавме, но многу не заинтригира. Онаа меѓу Џони Деп и … Ријана.
Не, барем засега двајцата нема да глумат еден до друг, ниту пак снимиле песна заедно – од стилот таа да пее, а тој да свири на гитара. Наместо тоа, нивната соработка ќе се однесува на модниот свет.
Џони Деп ќе се појави изненадувачки на следната модна ревија на линијата на долна облека Savage X Fenty на Ријана, која неодамна исто така се врати на музичката сцена со синглот „Lift Me Up“. Оваа вест ја откри секогаш добро информираниот трач сајт ТМЗ, а ја потврди и забавниот сајт IndieWire.
Според TMZ, РиРи и нејзиниот тим го контактирале Џони за да му понудат учество во нејзината позната годишна ревија Savage X Fenty Show Vol. 4, и двете страни биле многу возбудени што успеале да се договорат.
View this post on Instagram
Се чини дека ѕвездата од сагата „Пиратите од Карибите“ веќе го спремила својот изглед и во текот на ревијата ќе го видиме како носи некои модни парчиња од машката линија Savage. Неговиот изглед е опишан од TMZ како „кул и шик“.
На ревијата ќе учествуваат и други ѕвезди, а меѓу манекенките главни лица ќе бидат Ирина Шајк и Кара Делевињ.
