Џошуа Џексон (45) и Џоди Тарнер-Смит (37) се разведуваат. Актерката ја иницираше разделбата. Таа поднесе барање за развод во Врховниот суд во Лос Анџелес. Џоди побарала заедничко старателство над нивната тригодишна ќерка.
Jodie Turner-Smith files for divorce from Joshua Jackson, TMZ reports. pic.twitter.com/aqfHecqeEP
— Film Updates (@FilmUpdates) October 2, 2023
Што точно го предизвикало разводот не е познато. Неодамна, парот активно излегуваше заедно: на 9 септември, тие го прославија 37-от роденден на актерката во Њујорк и присуствуваа на ревиите на модната недела во Њујорк.
Тарнер-Смит беше видена сама на церемонијата на наградите Алби, организирана минатата недела од Џорџ Клуни и неговата сопруга Амал.
Џоди своевремено рече дека таа е обожавателка на Џексон уште од неговите денови на Досон Крик. Тие се запознале на забавата во 2018 година и се венчаа во декември 2019 година. Ова беше прв брак и за двајцата.
“Мислам дека е навистина прекрасно да се биде со некој кој толку те поддржува и те сака. Ние сме толку слични на толку многу начини. Ние сме како огледала еден за друг”, рече актерката. Во април 2019 година, Џексон и Тарнер-Смит станаа родители.
