Џенифер Лопез и Бен Афлек, славна двојка која беше пример за голема љубов, минуваат низ најтешката фаза од нивната врска. Одделно ја прославија втората годишнина од бракот, пренесува Hello.
Бен и Џенифер се венчаа во Лас Вегас во 2022 година и ја прославија својата прва годишнина од бракот во 2023 година, но годинава не се собраа заедно ни за годишнината.
Наместо да ја прослават својата втора годишнина (на 16 јули 2024 година), парот изгледа поотуѓено од кога било.
Џенифер и Бен сега поминуваат време на сосема спротивни страни. Бен, вчера, бил забележан во Лос Анџелес, додека Џенифер од 4 јули живее во Хемптонс во Њујорк. Се чини дека оваа физичка разделба ја одразува растечката емоционална дистанца меѓу нив.
Двојката повеќе не живее заедно во нивната „палата од соништата“ во Беверли Хилс, вредна 68 милиони долари. Бен сега живее во изнајмен стан за кој плаќа 100.000 долари месечно во Брентвуд, во непосредна близина на неговата поранешна сопруга Џенифер Гарнер и децата.
