Корисниците на социјалните мрежи ги критикуваат Лорен Санчез и Џеф Безос за нивната нова фотосесија во Вог, пренесува Дејли меил.
Lauren Sanchez and Jeff Bezos are mercilessly roasted for ‘cringe and uncomfortable’ Vogue photoshoot – as critics even accuse the magazine of Photoshopping billionaire Amazon founder’s ‘engorged’ BICEPS https://t.co/qvmDr7EPUZ pic.twitter.com/UV6CnjSOUz
— Daily Mail Online (@MailOnline) November 13, 2023
Лорен Санчез (53) и Џеф Безос (59) дадоа интервју за декемвриското издание на Вог. Нивната спектакуларна фотосесија ќе се појави на страниците на списанието. Но, кога во понеделникот списанието објави една од фотографиите од снимањето на Инстаграм, на многу корисници на Интернет не им се допаѓа фотосесијата и ја обвинија двојката дека ги фотошопирале фотографиите.
„Изгледа како пародија создадена од вештачка интелигенција“, напиша еден корисник на социјалната мрежа Инстаграм.
Во мај 2023 година, Џеф Безос ја запроси Лорен Санчез додека беа на крстарење со неговата суперјахта Кору. Подоцна тие се појавија заедно на Канскиот филмски фестивал, каде што новинарите забележаа веренички прстен со дијамант од околу 20 карати на раката на Лорен.
Милијардерот и ТВ водителката се во врска од 2019 година. Во времето кога започна нивната романса, и двајцата беа официјално во брак, но набрзо тие поднесоа барање за развод речиси истовремено и престанаа да ја кријат својата врска.
