Весна Драгојевиќ на својот Фејсбук профил објави емотивен пост кој му го посвети на својот покоен сопруг Оливер Драгојевиќ, кој почина пред четири години, а денеска ќе го прославеше својот 75 роденден.
Весна на своите следбеници на Фејсбук им откри дека се чувствува многу тажна.
– Тагата никогаш не завршува. Влегува во тебе како ситна прашина. Се разлева горе-долу додека не ја достигне најмалата пора во телото. Невидлива е, но ја носиш како најтешкото бреме што човек може да го поднесе – напиша Весна во објавата покрај постираната песна „Тристеца“ (Тага) на Оливер.
Да потсетиме, Весна и Оливер Драгојевиќ се венчаа откако се познаваа само 10 месеци, а заедно останаа 45 години во стабилен брак.
Денеска во родниот Сплит на Драгојевиќ ќе биде организирана роденденска прослава на која ќе присуствуваат голем број обожаватели на покојниот пејач.
