ВО српските медиуми се прошири веста дека „Гранд продукција“ снима документарен филм посветен на Саша Поповиќ, кој почина на 1 март годинава. Проектот, на кој се работи веќе некое време, е исклучително тежок и вклучува голем број соговорници, локации и архивски материјал, пишува Информер.
Дара Бубамара, која деновиве повторно се најде во конфликт со колешката Милица Павловиќ, го коментираше снимањето на документарецот за Поповиќ и истакна дека никој не ја поканил да учествува во проектот.
– Слушнав нешто за тоа синоќа, но сè уште не ги знам деталите. Не бев соговорничка, но би била добра за тоа бидејќи го познавам долго време. Мислам, нека одлучи продукцијата – рече Дара пред медиумите.
Пејачката веднаш потоа откри дека сака да направи и филм за својот живот.
– Ќе снимам мој филм за мојот живот, ама јас да глумам. Хелена, ќерката на мојот брат, пее фантастично и може да ме глуми како мала. Еве сега го замислив тоа, но често ми се случува кога замислувам нешто тоа и да ми се оствари – рече таа, а потоа додаде:
– Да речеме „Моите принципи“, за да можат луѓето да видат колку ми беше тешко и дека мојот пат не беше лесен, бидејќи како девојка се изборив за сè. Нема да пишувам книга, бидејќи не може да се опише толку добро, а морам и јас да глумам.
