Марија Шерифовиќ пред неколку дена сподели прекрасна вест. Таа се исполни во својата најголема животна улога, а тоа е улогата на мајка.
Својот животен сон го остварила преку сурогат мајчинство во Америка. Процесот беше долг, но таа беше многу трпелива.
– Љубовта дојде. Небото го осветли најубавата ѕвезда во мојот живот. Марио се роди. Животот да те води по најубавите патишта сине, а јас те штитам со мојата љубов од тагата и луѓето – напиша неодамна Марија Шерифовиќ на Инстаграм со фотографија од нејзиниот син.
Овој гест поттикна многу жени да ги исполнат своите улоги како мајки преку сурогат мајчинство.
Сега се поставува прашањето, што ќе се случи доколку Марија реши да го крсти синот во нејзината земја, Србија, и дали воопшто ќе може то да го оствари бидејќи православната и католичката црква имаат свое мислење за сурогат мајчинството. Православната црква смета дека вклучувањето на сурогат мајка ја нарушува светата тајна на бракот и го намалува личниот карактер на брачните односи, пишуваат српските медиуми.
– Православната црква смета дека човечкото суштество не е едноставен збир на клетки, коски и органи, ниту дека човекот се дефинира исклучиво со биолошки фактори.
View this post on Instagram
„Човекот е создаден според ликот Божји…“ се наведува во документот „Мисија на православната црква во современиот свет“, кој го потпишаа поглаварите и великодостојниците на десет православни цркви, меѓу кои и СПЦ.
Српската православна црква нема официјален став.
Пред неколку години, Синодот на Руската православна црква објави официјален документ со кој се дефинира односот кон крштевањето на децата родени од сурогат мајки. Во соопштението се наведува дека руската црква ќе ги крштева децата родени од сурогат мајки само кога родителите ќе се покаат во црква. Друга можност да се крсти е кога детето ќе стане полнолетно или ќе достигне возраст кога може самостојно да одлучи дека сака да ја прифати христијанската вера.
