Пејачката Цеца Ражнатовиќ откри дека со нетрпение чека 2025 година да заврши, бидејќи, иако донела многу лични успеси, била исполнета и со стресни ситуации и негативни луѓе.
„Боже, каква луда година. Искрено, едвај чекам да заврши. Полнa беше со лични успеси, но и со многу стресови на различни полиња. Донесе и многу чудни луѓе — катастрофа. Едвај чекам да ја оставам зад себе и да влезам во 2026 со нова, убава енергија. И самата состојба во земјата беше катастрофална, но се надевам дека и Србија конечно ќе ја огрее сонце,“ изјави Цеца.
Пејачката се осврна и на луѓето со кои не е во добри односи — дали би им простила и дали би се враќала на старите конфликти.
„Воопшто не размислувам за тоа, ниту планирам да се раскусурувам со некого. Не сум таков тип, не влегувам во полемики. Имам што да кажам, но некои луѓе едноставно не се вредни ни за одговор, ни внимание. Кучињата лаат, караванот си врви — јас траам 40 години. Не планирам да се докажувам после толку време. Сум оставила силен печат и како личност и како артист. Кој нема друга работа, се занимава со туѓи животи. Јас едвај стигнувам со моите обврски, немам време да следам кој што рекол,“ искрено вели таа.
Цеца откри и што посакува во наредната година:
„Сакам нов албум следната година. Желбите ми се насочени кон семејството. Сакам да најдам малку време и за приватниот живот. Мојот живот е — како што велеше покојниот Екрем — работа–дома, дома–работа. А тоа не е баш живот. Затворена сум за љубов, една мака помалку. Тоа е дијагноза,“ вели низ смеа. „Само кога станува збор за пријателството и семејството — тие емоции не поминуваат. А зошто поминуваат кога ќе најдеш партнер? Тоа е дијагноза. Би сакала, ако даде Бог, да ми јави Анастасија некоја убава вест по тоа прашање.“
Пејачката откри дека е посебно горда на своите внучиња — Жељко, Крстан и Исаија — за кои вели дека се многу музикални. Пред неколку дена се појави и снимка на која малечкиот Жељко ја пее нејзината песна.
„Пее Жељко и пред мене. Сите се музикални — и Крстан, само уште Исаија остана. Тие се дар од Бога. Се трудам празничните денови да ги поминувам со семејството, ни доаѓаат пријатели, се дружиме. Тогаш навистина не работам,“ додава Цеца.
