Кралот Чарлс Трети и принцот Вилијам се подготвени за итен и остар одговор на какви било нефер тврдења на Меган Маркл и принцот Хари, пренесува Мирор.
Според инсајдерски изјави за Мирор, високите претставници на Бакингемската и Кенсингтонската палата ќе ги гледаат првите три епизоди од серијата Меган и Хари на Нетфликс. Изворот појасни дека кралот Чарлс Трети и принцот Вилијам одржале разговори оваа недела и им наложиле на помошниците да бидат подготвени да дадат „тврд“ одговор доколку постои перцепција дека Хари и Меган изнесуваат неосновани обвинувања со цел да ѝ наштетат на монархијата.
„Веројатно нема да дадат одговор по првите три епизоди, па затоа ќе ја гледаат целата серија за да добијат целосната слика“, рече тој.
Инсајдерот додаде дека кралското семејство не се сигурни дека документарецот на Меган Маркл и принцот Хари ќе биде „толку експлозивен“ како што е најавен.
