Големото име на светската кинематографија Брижит Бардо, која пред две години жителите на Реунион ги нарече „домородни луѓе со дивјачки гени“ е осудена на казна од 20.000 евра за јавна навреда, пренесуваат француските медиуми.
Поранешната актерка, која се посвети на борбата за заштита на животните и стана вегетаријанец, во март 2019 година испрати отворено писмо до властите на Реунион, во кое наведува дека „добила еден куп писма во кои се осудува варварството на жителите над животните“.
View this post on Instagram
Тогаш, навела дека жителите на Реунион се „домородни луѓе кои ги зачувале гените на дивјаците“, а островот го нарекла „Ѓаволски остров со дегенерирано население кое ги зачувало варварските традиции и корени“.
87-годишната Бардо подоцна се извини, оправдувајќи го својот гнев со, како што истакна во тоа време, „трагичната судбина“ на животните на островот.
View this post on Instagram
Актерката, која беше најпопуларна во 1960-тите, се пензионираше на врвот на својата кариера, а потоа целосно се посвети на борбата за заштита на животните.
Позната по тоа што често не бира зборови во изјавите и реакциите во врска со настани во општеството, особено кон односот кон животните, таа секогаш привлекува големо медиумско внимание во Франција.
