Бритни Спирс моментално е под истрага бидејќи член на нејзиниот домашен персонал ја обвини дека ја удрила.
Имено, работничката ја поднела тужбата во понеделникот, веднаш по наводниот конфликт во домот на пејачката. Шерифот за областа Вентура рече дека ќе ги испрати своите заклучоци до обвинителите по истрагата, со цел да ги разгледаат обвинувањата за можно кривично дело, кое во Калифорнија вклучува секој намерен и нелегален физички контакт со некое лице.
Странските медиуми пишуваат дека Бритни го грабнала телефонот од рацете на нејзината работничка, а нејзиниот адвокат Метју Розенгарт тврди дека целото обвинување било претерано, па тој го побил. Во својата изјава, Розенгарт рече дека не дошло до удари или повреди.
„Секој може да поднесе тужба, но овој случај требаше веднаш да се затвори“, додаде Розенгарт, кој со Бритни започнал да работи минатиот месец во обид да стави крај на старателството над животот на пејачката од нејзиниот татко Џејми Спирс.
Да потсетиме, таткото на поп -sвездата, Џејми Спирс, неодамна се откажа од старателството над својата ќерка, откако тој 13 години имаше контрола врз нејзиниот живот.
