Oчигледно Република Молдавија има проблем со Бреговиќ. Според молдавскиот министер за внатрешни работи Адријан Ефрос, Кишињев уште минатата година вовел забрана за влез на Бреговиќ поради неговите проруски ставови“, пишувааат германските медиуми, пренесува Дојче Веле.
„Горан Бреговиќ и неговиот бенд требаше да имаат голем настап минатиот викенд во Стари Орхеј, археолошка населба во Молдавија “, пишува берлинскиот весник Тагесцајтунг.
„Но, на Бреговиќ и неговата придружба во неделата им беше забранет влез во Молдавија откако пристигнаа на аеродромот во Кишињев.
Во соопштението на граничната полиција како причина е наведена „анализа на ризик“ врз основа на разузнавачки податоци. Бреговиќ на социјалните мрежи изјави дека е разочаран, дека ја обиколил цела Европа и дека немал проблеми никаде и со никого.
„Тој 73-годишник јавно ја поздрави нелегалната анексија на Крим во 2014 година и одржа концерт таму една година подоцна. Тој има отворени симпатии за руската агресија врз Украина. Ваквите ставови се веројатно причината поради која на Бреговиќ му е забрането да настапува не само во Украина, туку и во Полска“, пишува Тагесцајтунг, пренесе Дојче Веле.
