Холивудскиот миленик Бред Пит ја шокираше јавноста со откривањето дека има ретко медицинско пореметување за кое верува дека предизвикува „слепило за препознавање лица“.
58-годишниот оскаровец изјави за магазинот „GQ“ дека мисли дека има прозопагнозија, ретко невролошко нарушување кое го отежнува препознавањето на лицата, дури и кога се во прашање пријатели или роднини.
Пит рече дека често имал проблеми со препознавањето на луѓето, поради што многумина мислат дека е „арогантен, недостапен и самобендисан“.
– Никој не ми верува – изјави актерот за странските медиуми и додаде дека навистина би сакал да запознае некој друг кој ја има оваа состојба, за да споделат искуства и потенцијално да научат што да направат за да ја надминат.
Не постои специфичен третман или „лек“ за ова нарушување – само препорачани стратегии кои ќе им помогнат на заболените да користат други знаци за да ги препознаат луѓето.
