Поранешниот успешен тенисер, Слободан Боба Живоиновиќ се ожени за една од најпопуларните пејачки на поранешна Југославија, а неговиот син од првиот брак Филип Живоиновиќ ѝ го кажа судбоносното „да“ на младата пејачка Александра Пријовиќ, за која цел регион полудува во последните месеци.
Одржа низа концерти во Србија, настапи во Сараево, а одржа и пет концерти во преполната арена во Загреб, каде кон крајот јавно ѝ се обрати на свекрвата Зорица и ѝ кажа нешто што никој не го очекуваше. Боба никогаш не криел колку ја сака и почитува Александра Пријовиќ.
Сега легендарниот тенисер во интервју за хрватските медиуми се осврна на односот со неговата снаа Прија, и истакна дека таа е „прекрасна и емотивна личност“.
„Мислам дека кај Александра некои коцки се споија. Таа една прекрасна и емотивна личност. Александра на сите настапи заплакува. Плаче зашто тоа претставува колку е таа чиста и добра и не е ни чудо што сите овие пејачи дојдоа да ја поддржат и да бидат дел од овој голем спектакл. Тоа не е случајно, а тоа се е една преубава бајка и приказна и нека трае што подолго и подобро. Ние сме сите тука да ги поддржиме нашите деца и да бидеме секогаш покрај нив“, рече Боба во емисијата „Код нас дома“ на ХТВ.
Покрај Боба, во оваа емисија во живо гостуваше и Лепа Брена, која се најде на удар на критики во јавноста зашто ја искористи приликата за да ги изрекламира своите производи.
