Има нова тужба против актерот Бил Козби што ја поднеле пет жени, од кои повеќето биле дел од „Шоуто на Козби“, кои тврдат дека тој сексуално ги нападнал.
Козби тврди дека не е виновен и дека наскоро судот ќе го ослободи од обвинение.
Претходно, десетици жени го обвинија Козби за силување, но тој негираше каква било вина.
Според новата тужба, пишува TMZ, жените тврдат дека Козби се преправал дека е нивен ментор додека се обидувале да се пробијат во шоубизот во 80-тите и 90-тите, но наместо тоа се претворил во предатор.
Обвинитеките Лили Бернард, Еден Тирл, Џевел Гитенс, Џенифер Томпсон и Синдра Лад велат дека Козби можел да ги искористи бидејќи биле млади и ранливи.
Во 2018 година, тој беше осуден на 10 години затвор во Пенсилванија, но беше ослободен минатата година, откако обвинителите го прекршија договорот за имунитет што му бил даден на Козби од претходниот окружен обвинител.
