Бијонсе и нејзиното семејство се појавија на уметничката гала 2022. Пејачката е позната по тоа што иако е јавна личност не сака да се експонира во јавноста, но кога ќе се појави на црвениот тепих ги воодушевува сите со своите смели комбинации, а така беше и овој пат. Таа носеше фустан од Гучи направен специјално за неа. Црниот фустанот со бел горен дел го надополни со розови ракавици и розови потпетици.
На својот инстаграм-профил пејачката објави неколку фотографии од гламурозната вечер. Таа позираше со својот сопруг, раперот Џеј Зи, со нејзината мајка и со нејзината ќерка Блу. Обожавателите особено ги воодушевија фотографиите од мајката и ќерката. Наследничката на Бијонсе има 10 години и веќе израсна во вистинска убавица. Блу носеше сино одело и обожавателите забележаа дека таа е совршена мешавина од родителите.
Беше неизбежно Блу да тргне по стапките на нејзините родители и да заплива во музичките води. Таа е горда сопственичка на престижната музичка награда „Греми“, која ја освои минатата година кога имаше само 9 години.
View this post on Instagram
