Се фотографирав речиси секој ден од мојот живот и навистина можам да ги видам доказите за тие несреќни времиња. Ги гледам моите стари фотографии и велам: „Ох, тогаш бев навистина слаба“, а потоа се сеќавам дека бев слаба бидејќи тогаш нешто ми се случувало, изјави за британските медиуми манекенката Кели Брук за која и научниците пред неколку години се согласија дека има идеално женско тело со совршена фигура, а магазинот FHM ја прогласи за најсекси жена на светот.
„Кога поминувате низ лош период, тоа влијае на вашата исхрана. Бев најмизерна кога бев најслаба,“ додава Кели.
Студијата според која британската манекенка е жена со совршено тело ги зема предвид висината, тежината, должината на косата и обликот на лицето.
„Оваа жена е сосема природна и научно совршена,“ изјавија тогаш авторите на студијата.
Според научниците, БМИ (индекс на телесна маса) од 18,85 и пропорции на телото 93-61-87 сантиметри се смета за идеален.
Кели е висока 168 сантиметри, а нејзините пропорции се 99-63-91, што ја прави најблиску до идеалот. Дополнителен плус, според авторите на студијата, е тоа што не била подложена на естетска операција.
Кели денес има 43 години, а неодамна откри дека никогаш не се чувствувала подобро во својата кожа.
Таа денес е во брак со Џереми Париси, кој, како што тврди, многу ѝ помогнал со самодовербата.
„Не е случајност дека сум најсреќна во своето тело сега кога сум во брак, кога го работам она што го сакам со луѓето што ги сакам, кога сум малку постара и позрела и кога воопшто се е добро во моето семејство и сите се здрави,“ објаснува Кели.
View this post on Instagram
