Министерството за правда на Соединетите Американски Држави поднесе до судот мислење дека саудискиот престолонаследник Мохамед бин Салман има имунитет во убиството на новинарот Џамал Кашоги, пренесува Асошиетед прес.
Судија на федералниот суд во Вашингтон упати барање до Министерството за правда, поради фактот што Мохамед бин Салман зазема високи владини позиции и теоретски би можел да има имунитет од кривично гонење во овој случај.
„Во согласност со општите принципи <…> Премиерот бин Салман Ал Сауд, како актуелен шеф на владата, ужива имунитет за време на неговиот мандат“, се вели во соопштението.
Сепак, барањето, како и одговорот на него имаат само советодавна моќ – конечната одлука ќе се донесе на суд.
Претходно, поранешниот американски државен секретар Мајк Помпео го прекори американскиот претседател Џо Бајден за влошување на односите со Саудиска Арабија.
