Новата книга на Кен Олет, „Hollywood Ending: Harvey Weinstein and the Culture of Silence“, нурнува длабоко во грдата вистина за осрамотениот филмски магнат и открива досега непознати детали за него.
„Тој имаше некоја идеја во главата дека неговото тело е привлечно и покрај изјавите на сведоците во кои наведуваа дека мириса на измет, дека има лузни на гениталиите и дека грбот му е полн со мозолчиња“, рече 80-годишниот автор на книгата за Fox News и додаде дека сето тоа го сметал за дар од Бога, пренесува New York Post.
Олет разговарал со неколку поранешни вработени во филмското студио Мирамакс, со обвинителите на Вајнстајн, па дури и со деловниот партнер и братот на поранешниот филмски продуцент, Боб Вајнстајн. Во едно поглавје од книгата, тој го раскажува сведочењето на поранешната актерка Џесика Ман, која го тужела за силување.
Ман сведочеше на судењето на Вајнштајн во 2020 година дека ја силувал во 2013 година во хотелот DoubleTree во центарот на Менхетен. Таа забележала дека неговите гениталии биле толку деформирани и дека неколку моменти пред нивната средба користел апче за ерекција.
„Првиот пат кога го видов целосно гол, помислив дека е деформиран. Има екстремни лузни за кои не знаев дали можеби бил жртва на изгореници, но немаше смисла. Нема тестиси и изгледа како да има вагина“, рекла таа за време на судското рочиште. Олет за Фокс њуз раскажал дека жртвите на Вајнштајн се плашеле да зборуваат за тоа од страв од неговата одмазда.
„Се плашеа да не го предизвикаат и да не ги нарече лажговци. Знаеја дека ќе ги нападне или казни. Имаше огромна моќ во медиумите“, рекол Олет, додавајќи дека Вајнстајн бил подготвен да им плати на жените одредена сума пари за да молчат.
