20-годишниот Русин Хасбула Магомедов е една од најголемите интернет ѕвезди на денешницата, а неговите обожаватели беа воодушевени од веста дека тој официјално потпиша петгодишен договор со УФЦ.
Поради ретко генетско нарушување, Хасбула иако има 20 години изгледа како дете, но токму тоа му донесе статус на светска сензација која денес живее на висока нога.
Хасбула има повеќе од четири милиони следбеници на Инстаграм и добива илјадници лајкови и коментари за секоја фотографија што ќе ја објави.
Спонзорите му плаќаат огромни суми да ги промовира нивните производи, често оди на платени патувања низ светот, се вози во приватни луксузни авиони и автомобили и престојува во најскапите хотели за кои порано можел само да сонува.
Имено, Хасбула израснал во сиромаштија во Дагестан, но неговиот живот целосно се променил пред околу една година, кога поради видео во кое имитира познат борец, го добил прекарот Мини Хабиб и стекнал популарност во ММА заедницата.
Заедно со уште еден руски блогер со пореметување во растот, Абду Розик, Хабиб го промени мерењето во УФЦ и привлече внимание на социјалните мрежи.
Реномираниот новинар Игор Лазарин тврди дека по потпишувањето на договорот со УФЦ, Хасбула ќе има поголема заработка од повеќето УФЦ-борачи. Наводно тој ќе има посебна задача во УФЦ и нема да се бори, а во неговиот договор стои дека ќе биде присутен на сите УФЦ настани и настапи меѓу борбите.
View this post on Instagram
