Хрватската старлета Ава Карабатиќ последниве денови е исклучително активна на социјалните мрежи, каде што редовно споделува фотографии од повредите, медицински наоди и објави од болница, откако, според нејзините зборови, повторно била жртва на физички напад.
Сепак, по низата вознемирувачки објави, старлетата со последниот потег одлучи да го смени тонот и на шеговит начин малку да се оддалечи од тешките теми. На Фејсбук објави колаж од фотографии на кои е таа и славната холивудска актерка Шарлиз Терон, со опис:
„Покрај сето ова лудило што ми се случува, морам малку и да се насмеам. Некаде прочитав дека јас и Шарлиз Терон си личиме. Морам да признаам дека има сличности.“
Иако објавата привлече внимание и насмеа дел од нејзините следбеници, набргу потоа следуваа бројни остри и критички коментари. Многумина ѝ ја оспорија споредбата, но и ги доведоа во прашање нејзините претходни објави за повредите.
„Џабе ти е изгледот кога си неработничка. Залудно си го трошиш животот. Ете, бараат берачи на маслинки во Далмација. Оди работи нешто паметно, наместо секој ден да измислуваш нешто“, „Но, според она што го имаш во главата, воопшто не си личите. Вразуми се и оди работи нешто, ако знаеш нешто да работиш. Од нешто мора да се живее. Напушти ја Србија и врати се дома, луѓето ќе ти помогнат“, „А каде се сега модринката и болницата?“
Додека едни сметаат дека Ава само се обидува со хумор да се справи со тешкиот период, други на социјалните мрежи не ги штедат критиките за нејзиното однесување и јавните настапи.
