Актерот Арнолд Шварценегер беше гостин на Хауард Стерн каде го искажа своето мислење дека денес „подигнуваме генерација на мрзливи луѓе“.
Шварценегер има пет деца – Кетрин (33), Кристина (31), Патрик (30) и Кристофер (26) со поранешната сопруга Марија Шрајвер и 26-годишниот син Џозеф со Милдред Баена. Претходно тој ги откри своите родителски методи и призна дека еднаш како казна и ги запалил чевлите на ќерка си, а душекот на синот го фрлил низ прозорецот во базенот откако не го средил креветот.
Младите мора да страдаат и да се борат и да поминуваат низ болка, беда и срам за да успеат во животот и да станат поцврсти“, вели познатиот глумец кој стравува дека денешната младина е мека како бебе.
„Сите вие што се заштитувате од лошото во животот и бегате во утеха, готови сте. Никогаш нема да стигнете до целта, треба да се борите“, рече тој.
„Да престанеме да создаваме генерација слабичи. Младите треба да бидат принудени да се борат, да спортуваат и да учат, а тоа значи дека треба да поминат низ болни моменти“, продолжи тој.
Во истото интервју, тој откри дека стареењето му е тешко, а Стерн истакна дека му е било „тажно“ кога во книгата на Шварценегер прочитал како поранешниот бодибилдер зборува дека кога ќе се погледне во огледало – ќе забележи дека „многу од големите мускули веќе ги нема, дотолку што не сака да гледа во сопственото тело.
Познатиот актер тврди дека „кога со години те фалат како имате врвно тело“, разликата помеѓу тогаш и сега може да биде уште потешка за да се прифати.
„Имате дефиниција и гледате како вените се спуштаат по вашите стомачни мускули и ги гледате вените на врвот на градите, ги гледате сите тие работи и потоа го враќате часовникот 50 години наназад и веќе не го гледате тоа“, рече Шварценегер.
На крајот, Стерн му рече: „Мора да ја прифатите својата човечност. Тешко е, зарем не: Кога бевте Супермен? – на што Шварценегер се согласи.
