Архитектот Амер Тановиќ од Мостар ѝ гради вила на Салма Хајек во Хрватска.
Тановиќ живеел во Њујорк 17 години и се вратил во Мостар, каде што сега живее и работи. Тој гостуваше во подкастот „Средин“ и зборуваше за својата работа и за клиентите за кои работел во Америка, пренесува босанскиот портал Кликс.
Имено, Тановиќ откри дека моментално гради куќа за холивудска актерка и рече дека кога го прифатил проектот не знаел дека ќе работи за Хајек.
„Не гледам телевизија, не гледам филмови. Мојот последен филм што го гледав беше „Полициска академија 7“, од тогаш помина многу време. Значи, не ги познавам актерите. Овие луѓе не сакаат да се експонираат во јавност. Тоа е мал остров во Хрватска, не можам да ви кажам детали. Не ја препознав. Не ги знам тие актери, ниту како изгледаат, ниту кои се. Работата ја добив преку матичната компанија од Њујорк, која знае дека сум таму во оваа област и ме замолија да го преземам проектот доколку, се разбира, им се допаѓа“, рече тој.
Тој истакна дека Салма е многу љубезна личност и дека соработката со неа е пријатна.
„Гради куќа од околу 200 метри квадратни. Таму на островот седнуваме да ручаме и никој жив не не познава. Луѓето на островот се исти како мене, никој ништо не знае, и никој не се грижи. И тоа е одлично за неа. Таа може да оди со семејството да се одмори за да не мора да има телохранители кои ја следат наоколу. Таа е неоптоварена жена, многу скромна личност“, рече тој.
Овој роден мостарец, исто така, има градено објекти за познати личности како Мадона и Марта Стјуарт. Мадона особено го воодушевила и тоа го истакна во подкастот.
„Таа е прекрасна личност. Немојте да мислите дека тоа е чудна личност. Секој ден на тој проект работеа меѓу 50-70 работници, а таа секој ден испраќаше ручек од својот ВИП ресторан. Ќе ги испрати келнерите. Таа жена има почнато од улица. И таа секогаш се навраќа на таа приказна, како почнала. Така ме гледаше и мене. „И јас почнав од истите улици, само доаѓав од некаде“, рече Тановиќ.
