Лазиќ глумеше во неколку проекти, а последен во низата е филмот „Рускиот конзул“ во кој Жарко Лаушевиќ ја одигра својата последна улога на големото платно.
Срцето на српскиот глумец Лазар Ристовски кој по 40 години стави крај на бракот со глумицата Даница Ристовски го освои 39 години помладата Аница Лазиќ. Јавноста ја запозна Аница како новата девојка на Лазар, а таа потоа почна да се докажува и како актерка.
Нејзиниот прв сериозен ангажман беше во серијата „Дрим тим“ во продукција на Лазар, кој ја игра и главната улога.
И додека сите мислеа дека Аница по образование е актерка, вистината за неа сега излезе на површина.
Имено, девојката на Лазар Ристовски нема диплома од Факултетот за драмски уметности или некоја актерска школа, туку дипломирала психологија на универзитет во Италија.
Самоук Аница веќе е потпишана како актерка во неколку ТВ проекти. Инаку, кога се слушна дека Аница е во врска со Лазар, еден твитерџија објави нивна фотографија и напиша: „Актерот Лазар Ристовски со неговата девојка, актерката Аница Лазиќ“. По тој повод реагираше и Љиљана Благојевиќ.
– Таа не е актерка. Глумата и е хоби – напиша таа, а потоа им соопшти на српските медиуми:
– Не мислев ништо лошо. Само напишав дека таа не дипломирала на Факултетот за драмски уметности. Не сакав никого да омаловажувам, особено не младо суштество. Само реков дека завршила друг факултет и дека не е актерка – изјави тогаш угледната глумица Благојевиќ.
