Ана Костадиновска без зборови се прости од својот другар и соработник, Панчо од ДНК кој почина денеска во болница во Скопје.
Костадиновска која пееше придружни вокали во ДНК, прво ја загуби својата најдобра другарка, Сара Пројковска која почина во пожарот во кочанската дискотека „Пулс“.
Денеска, таа остана без својот близок пријател и соработник Владимир Блажев- Панчо по кој тагува целата македонска естрада и многу фанови.
Ана се прости од Панчо со една нивна заедничка слика, без многу зборови. на сликата, тие се прегрнати во времето кога биле среќни и пееле заедно.
Таа ја смени својата насловна фотографија на Фејсбук со црна позадина. Панчо во многу наврати зборуваше дека неговиот бенд е негово семјство и дека тој и Андреј никаде не настапуваат без нив.
